Omulumentu mo South Africa a mangwapo sho a landitha iingangamithi kaanona yoskola

 Opolisi oya mangapo omulumentu gomimvo 29 pondje yoskola mo Lamontville,muutokelo wa Durban,sho a landitha oshingangamithi sho dagga kaanona yoskola.

Omupopiliko gopolisi mo Kwazul Natal Robert Netshiunda okwati oshikonga osha pangelwa sha landula enotheleko okuza koshigwana.

Pethimbo lyoshikonga ,omufekelwa okwaadhika mondunda pooha noskola yopombanda ,aadhika no dagga,elimo naalongwa,na 8 aakadhona.

Ta gwedhako kutya opolisi otayi ningi oshilalakanenwa onakuyiwa yaanona ,oshowo omakonakono ngoka geli metifa,naalongwa oya pewa elondodho komeho yaavali yawo omanga inaaya ethiwa.

Omufekelwa okwa tegelelwa a holoke mofoha ya Mangistrata gwa Wentworth,a taalela oshipotha shokuungaunga niingangamithi.