Omuvalu waavo vali vakahoolola omahoololo elikalekelwa owaulika ulipomboda

Omunashipundi wokocomisi yomahoololo moshilongo Dr. Elsie Nghikembua okwati omuvalu waavo vali vatulilwapo omahoololo elikalekelwa onghela ota wuulike weya momuvalu uli pombada.

Ovo vali vatulilwapo efiku lelikalekelwa lomahoololo omwa kwatelwa ovanambelewa vetanga leameno, ovanambelewa vopolifi yoshilongo, ovanambelewa vomafyulonghalo ovanailonga vomomeva, oshoyo ovanamibia ovo veli kondje yoshilongo.

Dr Nghikembwa pefimbo loshongalele osho aninga noikundaneki okwati  omuvalu wova Namibia wafikama lunga po 8000 okuniwe elineekelo vakale vahoolola onghela.

Okwati ECN okwa didilika omuvalu uli pombada wovanambelewa veya oku hoolola nonande omuvalu oo ali vapewa ota wuulike wapitilila pwaavo vali vafanekwa vakale vahoolola.

Pefimbo opo twoo opo omunashipundi taulike omalimbililo aye komuvalu tashidulika ukale uli pedu wovahoololi ovo tava hoolola okudja pondje yoshilongo osho tati osha etififwa komaimbo ayooloka ngaashi oulikule okufika keenele dina oku hoololelwa.

Konyala oidjemo yomahoololo oyo yapitifwamo fiyo opapa ota yuulike omuulikwa wongudu yo SWAPO Netumbo Nandi Ndaitwah, oye elikomesho alandulwa komuwiliki wongudu yo IPC Dr Panduleni Mbango Itula,  omanga ponomola 3 tapa ulike pena ongudu yo Dr Job Amupanda wo  AR.

Oidjemo yomahoololo aishe kumwe okwa fanekwa ikakale yapitifwamo pambelewa mo 30 November.