Oshiwana shova San, shidulife 1000 shapewa omikanda doukwashiwana

Ouminsity woikwameni nomatembu owati owe shipondola oku yandja omikanda doukwashiwana kovanhu vomuhoko wova SAN,  vefike 1000 moshikandjo hoololo sha Guinas moshitopolwa sha Shikoto.

Omukanda oo wapitifilwa oikundaneki okudja kouministy woikwameni owati , oshikonga shoku yandja omikanda doukwashiwana kovakalimo oshoyo okuvashangifa vakale havamono okashona kavo okudja kepangelo,  oshali sha unganekwa pakwafelo louminsity woufike pamwe paukashike koo okanhu ekondjifo loluhepo nonghalo nawa yoshiwana.

Omukanda taupopi kutya,  oshikonga osha hovelele mo 22 Octomber nosheya pexulilo mo 08 November 2024, noku fiya shayandja omikanda doukwashiwana kovanhu vomuhoko wova San, vedulife 1000 moshikandjo hoololo omo.

Oshikonga ota shilalakanene okuwanifapo eenghendabala depangelo doku twala omayakulo popepi noshiwana oshoyo oku kwashilipaleka kutya,  keshe omu Namibia okwa mona ouwa mwakwatelwa yoo ovo vadja momihoko ina ditalikako.

Olopota oya ulika kutya pefimbo loshikonga shali shili metifa, oonakumona ouwa vefike po 200 ova mona ouwa woku shangifwa vakale hava mono oshikuvila shepangelo mwakwatelwa ounona veefiye.

Ouminsity tawuulike olupandu mokuhanga omalalakano awo , osho tauti oweshininga pakwafelo loshiwana oshoyo ovaleli vapamufyuululwakalo  momudingonoko omo.