Aatembuki ya Somalia ya hulithile mefuta lya India

Aantu ya thika 24 oya hulitha sho oombautu mbali dha humbata unene aakwashigwana ya Somalia ya ningine komunkulofuta gwa Madagascar.

O BBC oya lopota kutya uuministeli wa Somalia wiikwapondje owati oonkambadhala odhili metifa oku kwashilipaleka kutya ooluhupe oya gamenwa.

Oombatu mbali okwali dha humbata aafalelwa 70.

Oombautu odhiitsuwa molyomakaya mefuta lya India.

Nokwiitalwa kutya oo engine odha ndopa.

Omunambelewa gwepangelo lya Somalia okwati ooluhupe oya hupithwa kaayuli yoohi.

Nooluhupe oyati okwali taya kambadhala okuya kokatuntu Mayotte ko France,ondjila ya simana ashike oya nika oshiponga kaakongi yuuholameno ya Somalia.

Okwaahena iilonga noluhupe mo Horn of Africa ohaku thiminike aagundjuka oyendji ya kuthe omalweendo ga nika oshiponga okuya ko Europe oku ka konga uuhupilo uli hwepo.