Omahogololo gopambili oga simana omolwa engungumano lyopapolitika olya simana-Kefas Sheehama

Momushangwa komeho yomahogololo gopashigwana geliko metitatu,omupekapeki gopaliko nogopangeshefa Josef Kefas Sheehama okwa dhenge omuthindo onkandangala ya simana yomahogololo gopambili ,oku kwashilipaleka engungumano lyopaliko nekoko lyopaliko.

Sheehama ta londodha kutya okwaahena engungumano kopapolitika otaku vulu okushunitha pevi omukumo gomapungulo noku piyaganeka eliko lyoshilongo,unene ekwatathano lyasho lyoshimaliwa niipindi na South Africa.

Tiindiile uudemokoli wa koka,moka oongundu dhoopolitika tadhi ningi oshilalakanenwa omaipulo gopashigwana peha lyomalalakano gopaumwene.

Sheehama ta dhenge omuthindo esimano lyoku kalekapo ombili noku gamena eliko,nomapungulo gopashigwana.