Okomisi yomahogololo oyiindiile eiyutho lyooveta dhomahogololo komeho yomahogololo

Sho Namibia tiilongekidhile omahogololo gopashigwana geliko ongula,okomisi yomahogololo oyiindiile eiyutho lyooveta nomilandu dhomahogololo ,sho iikonga yomahogololo ya hulu uusiku wonena.

Omukuluntu gomahogololo mo ECN Petrus Shaama okwa dhenge omuthindo kutya kapena iikonga hwahwameko,engundumano lyaakwashigwana,nenge kehe shoka tashi yele oongundu dhoopolitika, ya pitikwa meni lyoo metre 500 kiitasi yomahogololo okutameka nena.

Shaama tiindiile aaleli yoongundu dhoopolitika ya tse omukumo aalanduli naayambidhidhi yawo ya simaneke ooveta,noku kwashilipaleka kutya omahogololo ogeenda nawa.

Tiindiile wo aakwashigwana yaka ulike uuthemba wawo wopaudomokoli ,paku tula omawi gwawo moshipateke.