Elelo lyondoolopa ya Katima Mulilo tali ka tula miilonga oopololeka dha yooloka

 

 

Elelo lyondoolopa ya Katima Mulilo olya ikalekela oodola oomilion 29 dhoopololeka dhomayambulepo okuza mo budget yoodola oomilion 181.2 yomumvo shimaliwa gonuumvo,shiikwatelela ku Mayor ngoka a hogololulwa John Ntemwa.

Tati noonzo dhoka dha ngambekwa,elelo lyondoolopa otali tala koku tula pandondo omalukanda ngaashi lwa Dairy,Macaravan West,na Nova.

Ntemwa okwa ningi etseyitho omanga ta gandja epopitho lye lyoshigwana lyopandoolopa ohela,sho a holola omapondolo ga simana pethimbo lyoshikako she shoomwedhi 12,oshowo omathaneko taga tsikile okuyambulapo ondoolopa.

Mayor tati omagumbo 1 206 mo Dairy no 2 500  Macaravan otaga tulwa pamuthika,omanga omiyalu dhomo Nova inaadhi manithwa natango.

Okuyamukula kendumbalalo lyomagumbo 6 000,elelo londoolopa olya gandja evi lyoo hectare 20 opo li tulwe pamuthika.

Omanga kombinga yoondjila,mayor ati elelo lyondolopa olya tothamo oondjila 3 dhoka tadhi ka tulwa pandondo yoteya payambidhidho lyo Road Fund Administration no Roads Authority.