Muni gwa Tsumeb otaka gwedhela iihohela yomeya omumvo taguya

Muni gwa Tsumeb otiilongekidhile oku gwedhela iihohela yomeya mu July 2025 oku gongela oshimaliwa shiilonga yendiki epe lyoku dhinda omeya,lyongushu yoodola oomilion 36.

Engineer gwa Muni Manuel Pedro okwati oonkundathana odhili metifa nuuministeli weyambulepo lyokomikunda noondoolopa moshinima shika.

Mongaashingeyi omeya ohaga kotha oodola 8.40 mo litre,nokwati oya hala oku ndjekapo ondando ndjoka omumvo taguya.

Ta fatulula kutya endiki otali ka nawapaleka ongushu gomeya gaakalimo mondoolopa,noku yamukula kiipambele yuulethimbo.

Endiki ohali dhindi omeya gokohi yevi oku shonopeka uukukutu wago noku kuthamo o clostridium.

Stella Nangolo Imalwa,omupopiliko gondolopa okwa koleke iihohela ya talululwa.