Netumbo Nandi-Ndaitwah afindanapo omahoololo a Namibia 2024

Netumbo Nandi-Ndaitwah oye afindanapo ekondjelo loshipundi shoupresident momahoololo aliko oshivike shadjako mo Namibia.

Pefimbo tatikosha konima ashike eshi kwayandjwa eshiivifo kutya oye eli omufindani womahoololo osho sha ningilwa meembelewa dakula do Commisi yomahoololo mo Windhoek onguloshi yadjako, Nandi Ndaitwa okwa ulika olupandu noku pupula kombuda ova Namibia eshi vemuhoolola.

Nandi – Ndaitwa okuli omukainhu wotete okuningwa omutwe woshilongo wa Namibia.

Okwati ota pandula ova Namibia ovo vaulika ohole koshilongo shavo,  oku kwashilipaleka kutya ombili nengungumano loshilongo ota litwikile noku kwatela komesho oshilongo unene tuu pefimbo loikonga yomahoololo yali ili metifa.

Nandi-Ndaitwah okwa shiivifwa amona omawi efike po 638 560 osho shakalelapo ee  57% momahololo oupresident,  omanga ongudu yaye yo Swapo yamona oipundi ifike po 51 meumbo lomutumba wopashiwana konima eshi yamona omawi ova hoololi efike po 583 300.