Omahoololo oneudo okwali ena ondjokonona moudemocory woshilongo

Commissioner wo commisi yoomahoololo mo Namibia  Gerson Sindano, okwati omahoololo oneudo okwali ena ondjokonona moudemocory no kwapula ombili ikwatele komesho eyokomesho moshilongo.

Sindano edi okwe dipopya pefimbo taku shiivifwa oidjemo yomahoololo oupresidet noilyo yeumbo lomutumba wopashiwana osho shaningwa onghela konguloshi mo Windhoek.

Sindano ta kufileko embale ova hoololi eshi vaulika kwali elitulemo lavo moku kahoolola, tati oshili ondjokonona koudemocry woshilongo.

Okwati omahoololo kaefi ashike omafiyafanepo pokati kovakufimbinga pokati komufindani nao akana, ashike okuli efano lina ongushu nelineekelo konakwiiwa ya Namibia.

Sindano tapandula natango eengudu adishe dopapolitika odo dali dakufa ombinga momahoololo tati oshili onghatu yenghonopaleko lomulandu woudemocry.

Okwa pandula yoo ovanambelewa va ECN,  ovo tati ovalonga vehena olufuwo oufiku nomitenya oku kwashilipaleka kutya ovayandja oidjemo ili mondjila nonande pena aavo tave ipopi kutya oyali yanyika okuhena ouyuuki.

Okwati oshiwana sha Namibia nashihangane noku twikila komesho noipopiwa yanyika opolitika osho tati osha pumbiwa yoo okuningwa nokonima yomahoololo.

Okwe shiyelifa yoo kutya,  oudemcory kaushi ashike oku hoolola ndee oku longela kumwe noku fimanekafana oku mona omakandulepo omikundu komashongo ataalela oshilongo.

Photo: Contributed