Omukithi inaagu tseyika gwa dhipaga aantu oyendji mo DRC

Omukithi inaagu tseyika gwa fa eshikisha ogwa faalele oomwenyo dhaantu ya thika 143 muutokelo umbugantu wa Congo.

Omaso oga dhidhilikwa pokati komasiku 10 no 25 November mo Panzi mo Kwango.

Ominista yuuhaku moshikandjo Apollinaire Yumba okwa lombwele aatolinkundana mehulilo shiwike kutya omadhidhiliko oga kwatelamo eshikitha,omutse,nomukolo.

Onzonkundana yo Africa news oya lopota kutya aanongo yomikithi otayaka tumwa koshitopolwa ya ka konakone omukithi ngoka.

Congo okwa taalela nale etukuko lyo Mpox,niipotha ya konda 47 000 oshowo omaso ga konda 1 000,shiikwatelela kehangano lyuundjolowele muuyuni.