Etukuko lomukifi uheshiivike watwaalela eemwenyo dovanhu mo DRC

Ovanhu vefike po 79 okwa lopotwa vaxulifa omolwo omuKifi uheshiivike oo una omadidiliko afa eshikisha mombuwanhu uninginino woshilongo Democratic Republic of Congo.

Oshikundaneki sho BBC news osha lopota kutya, uministry wonghalo nawa noudjolowele mo DRC,  owati ovanhu vahapu ovo vaxulifa oveli pokati komido 15 no 18.

Olopota yoikundaneki oyati omuvalu wovanhu vedulife po 300 ovaningwa oihakanwa.

Ovo vaningwa oihakanwa ovena omadidiliko ngaashi, oshoombo, omutwe, omayulu taashishisha, tava kolola, novena oupyakadi wokufuda oshoyo oupyakadi womukifi wo anaemia.

Oumisnitry owati owatuma osheendo shovanambelewa vouhaku koshitopolwa sha Kwango,  oko unene kwa didilikwa ovanhu vaningwa oihakanwa nomakonaakono okwa hovelwa nao,  kutalike kutya omukifi oo wakuma oshiwana owoludi lilipipo.

Cephorien Manzanza, eli omuleli wopamufyuululwakalo moshiwana aasho tapopi kutya,  onghalo ota ilimbililike eshi omuvalu waavo tava ningwa oihakanwa taweende nokuya pombada efiku nefiku.