President Nangolo Mbumba tatongomona efiku loufemba wovanhu lafimana moufike pamwe

OmuPresident Nangolo Mbumba, onghela okwa djadjukununa efiku loufemba wovanhu paiwana oshoyo mo Namibia lili  efiku lafimana kouyuuki, oufike pamwe oshoyo enghonopaleko lovakainhu.

Metumwalaka aalo lapitifilwa oikundaneki onghela lanuninwa efiku loufemba wovanhu paiwana oshoyo mo Namibia,  omupresidet Mbumba okwati etyapulo nedimbuluko lefiku loufemba wovanhu olili omito yoshiwana nomounyuni oku hangana, okulikafafana efimaneko , oufike pamwe oshoyo emanguluko laaveshe.

Omutwe woshilongo momushangwa waye okwa denga omufindo nghene shafimana kefiku loufemba wovanhu,  tati ola nuninwa eyambidido noku dimbuluka oilonga yomupondo yaetwapo kovakainhu ova Namibia.

Okwati efiku loneudo olili yoo lafimana eshi tali dimbulukiwa pefimbo oshilongo sha hoolola omupresident wotete omukainhu, Netumbo Nandi-Ndaitwah, osho tati oshili ondjokonona neyokomesho li liwetikile moku hanga oufike pamwe paukashike koo okanhu moshilongo.

Omu President talongifa omito oku pula oshiwana shikufeko eenghaku meenghendabala doku xulifapo omahepeko opaukashike koo okanhu noku kwashilipaleka eameno noufemba wakeshe umwe.