Zimbabwe otaka kuthapo egeelo lyeso

Opaalamende ya Zimbabwe oya zimine oveta ndjoka tayi ka kuthapo egeelo lyeso nenge ohake,onkatu ya simana oku kuthapo oveta ndjoka ya kala inaayi longithwa omimvo 20.

Ohela,opaalamende oya koleke kutya aatotiveta oya pititha ontontwaveta metitatu.

Ohake otayi ka kuthwapo ngele omupresitend eyi shaina.

Zimbabwe okwa kala ta longitha oku mangeleka onga omukalo gomadhipago,  nedhipago lye lyahugunina mo 2005,omolwa ompumbwe yoohandimmwe mboka yaahena ohokwe oku kuthapo oshinakugwanithwa shoku dhipaga aayoni.

O Amnesty International oyiindiile omupresitend gwa Zimbabwe a shaine ontotwaveta ndjoka yi ninge oveta pwaahena ekateko,noku pupaleka  omageelo gaamboka yeli momusholondondo goku dhipagwa..

Onzonkundana yo Africa news oya lopota kutya oohandimwe ya konda 60 oyeli momusholondondo goku dhipagwa mo Zimbabwe.

Zimbambwe okuli mokati kiilongo yine ya africa mbyoka ya kutha oonkatu oku kuthapo ohakwe,opamwe na Kenya,Liberia na Ghana ,shiikwatelela ko Amnesty Intenational.