Okanona okakadhona koomvula mbali ka hulitha sho ka lyatwa kosheenditho ohela mo Nau-Aib

Opolisi yoshilongo kOkahandja otayi konakona oshipotha shedhipago lyaashi lyoshiningilawina sho  okakadhona komimvo 2 ka pumwa noku hulitha mo Nau-Aib ohela.

Omunambelewa gwiipambele yoshigwana moshitopolwa Otjozondjupa Senior Inspector Maureen Mbeha okwati aapambele ya nakusa oyemu tongololola kutya o Talia Mathias.

Mbeha tati oshiponga osha holoka lopotundi onti 17h11 sho omuhingi omulumentu gomimvo 43 kwali ta hingi ohauto ontokelo yo Toyota single cab yina onomola ya Okahandja kwlai ta hingi okuza muutokelo uuka kombingga yokuuzilo.Mathias ta matuka okuza kombinga yokonooli uuka kolukadhi ,ta taaguluka opate eli konima ya yina.

Okanona okwa lopotwa ka pumwa omanga taka matukile mopate konima ya yina,taka ehamekwa momutse,noku hulithila poshiponga.

Omuhingi sho a tsutswa ngele okwa longitha iikolitha ,iizemo oyeya yili nawa,nomakonakono gopolisi otaga tsikile.