Germany otaka ninga omahogololo mu February 2025

Omupresitend gwa Germany Frank-Walter Steinmeier okwa halakanitha egumbo lyomutumba gopashigwana noku tula po o 23 February 2025 onga esiku lyomahogololo,oomwedhi heyali kuyele oku yeleka naashi kwali sha thanekwa nale.

Etokolo lye lyohela okwali lya tegelelwa ,nolya landula sho embwinda lyoongundu ndatu dha Chancellor Olaf Scholz lya ndopa mu November, noku ndopa momahogololo goku tala ngele epangelo lye otali ziko koshipundi, ga ningilwe mo 16 December.

Aaleli yopalamende  yongundu ya Scholz yo Social Democrats noyongundu yo Christian Democrats oya zimina nale esiku lyomahogololo.

Okatendo okati 39 koveta nenge ekotompango lyo Germany Basic Law okuutha kutya omahogololo omape ogena oku ningwa meni lyomasiku omilongo hamano konima yomahogololo go vote of confidence.

Scholz okwa taalela onkambadhala odhingu yoku hogololwa natango.

Momahogololo gomaivo gongaashingeyi ongu yo CDU oyili komeho niitsa 10,okuyeleka nongundu yo DPA.