Ominista yiikwapondje ya China ya tsakanene nomutiyali presitend Netumbo Nandi Ndaitwah

Ominista yiikwapondje ya China nokuli oshilyo sho Political Bureau of the Chinese CPC Central Committee Wang Yi okwa talelepo omuhogololwaa presitend gwa Namibia Netumbo Nandi Ndaitwah kegumbo ekulu lyepangelo nena.

Pethimbo lyoshigongi,omutiyali presitend ta taambako Yi nosheendo she moshilongo,noku holola olupandu luukumwe wowina wuna oonkondo pokati kiilongo yopaali,mboka wa yelwa okuya pondondo yo  Comprehensive Strategic Partnership mo 2018.

Ndaitwah ta holola olupandu kelongelokumwe ndyoka lili pokati kiilongo yopaali miikondo ya yooloka oku yambidhidha omayambulepo ga Namibia.

Peha lye ,Yi ta halele ompolo ya China omuhogololwa presitend gwa Namibia,sho a hogololwa onga omukiintu gotango omupresitend gwa Namibia.

Ta holola wo olupandu luukumwe uuwanawa nelongelokumwe pokati ka Namibia na China .

Wang Yi ta holola wo olupandu lwekoko lyelongelokumwe,unene miikondo yuunamapya,eyambulepo lyomakwatathano ,oku gwedha ongushu koonzo dhopaunshitwe,okweetapo oompito dhiilonga,iikwankondo yopaunshitwe,elongo,omapungulo niipindi.

Oombinga adhihe odha tsu kumwe oku nkondopeka oonkundathana neenditho lyo  Forum on China–Africa Cooperation (FOCAC) noku yambulapo etulomiilonga lyelongelokumwe miikondo ya yooloka kohi yiizeno yo 2024 Beijing Summit of the Forum on China-Africa Cooperation .

Wang Yi tayi ko Swakopmund oku ka ninga oonkundathana nomupresitend Nangolo Mbumba.

Wang Yi okuli metalelepo lyiilongo ine ya africa,notakaya ko DRC,Chad,noko Nigeria.