Ovamwainafana tava kafiyafanapo moku kondjela oshipundi shou councillor moshikandjo hoololo sha Guinas

Omudongokononi woikwapolitika moshilongo Ndumba Kamwanyah okwa tongomona ekufombinga lefiyafano pokati kovamwainafana tava kondjele oshipundi shou councillor moshikandjo hoololo sha Guinas,  shili efano liwa olo taluulike oudemocry neudeko latova mokati koshiwana.

Eshi osha landula eshi ovamwainafana Moses Khumub na  Fransiskus Khumub,  veli meengudu dayooloka dopapolitika tava kakufa ombinga mekondjelo loshipundi shou Concillor moshikandjo hoololo omo.

Moikonga yaye yokuudifako oshiwana shimuhoolole ota popi kutya ngenge okwa hoololwa otaka etapo elunduluko mokuhanganifa oshiwana, enghonopaleko lovanyasha oshoyo oku popila ouwa woshiwana noku yandja eedjo doushitwe shifike pamwe oshoyo okweetapo omayambulepo taakalele.

Fransiskus Khumub,  yee okwa ulika taka tala nokweeta elunduluko moshikondo shelongo, ouhaku,   noku yambulapo omudingonoko noshiwana.

Kamwanyah,  tapopi kutya ekufombinga lefiyafano pokati kovamwainafana ovo  aveke tava kufa ombinga mefiyafano otaluulike omepo yatova noyamanguluka yopapolitika mokati kovapambele tashiningwa pehana elingwedjaulo lasha.

Oshipundi shou councillor ota kulopotwa sha holokelepo sha landula kefyo lao ali councillor woshikandjo hoololo osho Elias Barney Martinus,  oo axulifile mu November 2024.

Ovamwainafana umwe okwa kalelapo ongudu yo Swapo omanga mukwao akalelapo ongudu yo LPM.

Shelikwatelela kolopota yomavalulo ouhapu woshiwana oyo yapitifilwe mo 2023, oya ulika moshikandjo hoololo sha Guinas,  tamuhangwa ovakalimo vefike po 8 578 .

Omahoololo awedwapo moshikadjo hoololo omo okwa teelelika akakaleko mo 17 January 2025.