Namibia atulwa ponghatu yoilongo ina eameno lovatalelipo mu Africa

Ehangano linasha no malweendo lo Altezza  olo tali hangwa mo Kilimanjaro mo Tanzania, ola tula Namibia ponghatu oni 4 onga oshilongo osho tashihangwa eameno lovatalelipo mokati koilyolongo ya Africa.

Ewiliko lehangano lomatalelepo olati Namibia oshakala oshilongo osho sha didilikwa shina ombili nengungumano unene papolitika nota shihangwa yoo omapendulepo eli meenghalo dili nawa oshoyo exumokomesho moshikondo shomatalelepo.

Oshilongo Mauritius osho sha tulwa ponomola yotete yoilongo oyo ina eameno mu Africa shalandulwa ku  Ghana eli ponomola oni 2 na  Zambia eli ponomola oni 3.

Shelikwatelela kouminsitry womidingonoko nomatalelepo momukanda oo wapitifila oikundaneki mexulilo shivike owaulika nghene ombili yoshilongo yakalekwapo koukwatya wova Namibia,  ashike oweshiyelifa yoo nghene patulwa eenghendabala aado tadikwafele moku kalekapo ombili nengungumano loshilongo.

Olopota oya ulika nghene Namibia, tatwikile noku kalekapo ombili,  opo shixumife komesho eyokomesho leliko loshilongo osho tauti kashili ashike mouwa wokunana ovatalelipo,  ndee osha pumbiwa yoo mokweeta ovapunguli opo eyokomesho loshilongo liyambukepo.

Olopota taitu omukumo oshiwana sha Namibia shilongele kumwe moku kwashilipaleka eameno needjo doushitwe opo oshilongo shikale shina eameno noku kwashilipaleka yoo oku hanga onghatu yotete inasha neameno monakwiiwa.