Omangu yo mahoololo yaundulila epwilikino loshibofa ku February 2025

Omangu yomahoololo mo shilongo oya kaleka manga pakafimbo epwilikino loshibofa sha  tulwamo kongudu yo IPC  oyo ya hala opo oidjemo yomahoololo oilyo yeumbo lomutumba wopashwana yo 2024 ikale yakupulwashi.

Omutokoli momangu Hannelie Prinsloo,  oo akwatela komesho epwilikino,  okwati epwilikino nonande lina oku talikako onga laendelela nola pumbwa oku  potokononwa manga omafiku 21 March inaafika , okwati otali kalekwa manga taku teelelika epwilikino lomangu yopombada mbada olo tali kayandja elombwelo shinasha noshibofa shatulilwamo oidjemo yomahoololo oupresident komangu yopombada mbada olo kwa teelelika lika udike mo 10 February 2024.

Melombwelo laye momangu nena omutokoli Prinsloo,  okwati etokolo loku mweneka manga etokolo loshibofa halo laxuuninwa.

Okweshi yelifa kutya omangu yomahoololo ota ika hovela nepwilikino konima yetokolo layadjwa komangu yopombada mbabada moidjemo taipataneke oidjemo youpresident osho tati osho tashika kwafela moku kwatela yoo komesho epwilikino nelombwelo linasha noidjemo yomahoolo meumbo lomutumba wopashiwana.

Pefimbo opo twoo opo omutokoli okwa kupulashi yoo omatamaneko omunaveta  Sisa Namandje, oo apopya kutya ekateko moshinima ota lidulu okuya moshipala omalongekido ongudu yo Swapo oku kwatela komesho oshilongo.

Omutokoli  Prinsloo,   teshendulula kutya etokolo lakufwa komangu loku kaleka manga epwilikino pakafimbo,  kalinamosha mokuya moshipala omafaneko neemangela dongudu yo Swapo dipule komesho.

Photo:Contributed