Future Media na Sanlam tava ka kwatela komesho efiku lo Hit 4 Hope Charity Golf Day 2025

Ehangano loku kundaneka moshilongo  Future Media opamwe nehagano lo makwashilipaleko Sanlam,  okwa lopotwa taa longele kumwe moshinyangadalwa shoneudo shokwoongela oshimaliwa osho tashuufanwa Hit 4 hope charity Golf Day.

Omukanda oo wapitifilwa oikundaneki okudja kehangano lo Sanlam,  onghela owa popya kutya oshinyangadalwa sho HIT 4 hope Charity Golf Day 2025 osha fanekwa shikakaleko mo 28 March 2025 no shakala noku kufa ombinga okudja mo 2022 sha etapo oshimaliwa shee N$ 467 44 elalakano oku kwafela oshikondo shelongo oshoyo ovo veli meemumbwe mo Namibia.

Tapopi noshikundaneki onghela oo eli omunambelwa omukulunhu wehangano lo Future Media Gary Stoebel,  okwati ehangano olili lelitulamo moku unganeka efiku olo tali lalakanene okwee tapo eongelo loshimaliwa opo shika kwafele moku yandja eyambidido kelongo lounona.

Okwati elongo olo limwe lomoilwifo ina eenghono mokuupika onakwiiwa yoshiwana, tati elongelo  kumwe la Future media na Sanlam,  otali ka kwafela mokuyambidida ovanyasha mokweetapo eemito needjo odo tadi kwafele mehongo.

Oo eli manigera wehangano lo Sanlam Dr Evans Simataa,  yee okwati ehangano lo Sanlam olina elineekelo mokweeta elunduluko lina eenghono moshikondo shelongo opo onakwiiwa taikalele yelongo ikalekwepo.

Simataa tati  ehangano lavo ota litwikile nokulongela kumwe nehangano lo Future Media,  opo kwee twepo elundukulo olo lapumbiwa monakwiiwa yoshiwana shokomongula.