Dr. Job Amupanda otati omufinda utilyana kauli pamango mo Namibia

Omutokoli ekwetele komesho epwilikino loshibofa tashi kondjifa omufinda utilyana ukufwepo  Shafimana Ueitele  okwa pula ovakwatakanifi va ulike opo tapu hangwa omufinda utilyana.

Omunaveta elilepo epangelo moshinima Marius Boonzaaier,  okwa pula Amupanda ngenge odalate oyo yatulilwepo mo 1896 kovakolonyeki vepangelo kwali la Germany,  ngenge oyo tuu natango ilipo fiyo onena.

Amupanda menyamukulo laye teli popile kutya omulandu finda oo watulilwepo ko vakolonyeki owali wakonakonwa petukuko lomukifi moushilo wa Africa noku tandavela okuya koumbuwanhu osho sha etififa etokolo patulwa odalate.

Okwati eshi omido nomido daenda tadi pula komesho, odalate oya kalongifwa mo matomeno ayooloka osho shakwatelamo oku amena oimuna yova Europe, okukaleka  kokule ovadalelwamo no inamwenyo yavo,  noku tulilapo yoo ovalaule ova Namibia omangabeko.

Job tapopi kutya epangelo ohalilongifa oimaliwa ihapu keshe kodula oku longa odalate oyo oku ikaleka momutalelo muwa,  tapopi nghene ina tambulako okaalita kaapo paenda omufinda utilyana oo watulilwepo kepangelo la Germany.

Amupanda okwa pula opo omufinda utilyana ukale watalikako onga oshinima shiheli pamango,  molwaasho Namibia oshilongo shimwe sho vaNamibia aveshe needjo dasho  oda pumbwa oku kala dili mouwa wovanhu aveshe.