”Oshibofa shomufinda utilyana otushili nawa” Amupanda tati

Omuwiliki wongudu yo Affirmative Repositioning Movement (AR), Job Amupanda, okwa ulika ena eenghono moshibofa aasho shili metifa lepwilikino komangu tashi pula omufinda utilyana ukale wakufwapo.

Amupanda okuli metifa nekondjifo loshibofa komangu omo tapula  opo omufinda utilyana oo watavakana oshinano shee  1 500 kilometre pokati koumbuwanhu nombangalanhu woshilongo shikale sha kufwapo,  molwaasho okwa tala kutya kauli pamango.

Omufinda utilyana otaku lopotwa watulilwe moilonga mo 1896.

Amupanda onghela okwali metifa loku ningilwa omapekaapeko komu  Advocate Raymond Heathcote,  oo tapopi kutya oshibofa aasho atulamo  oshili oudano womadu waavo vahala okuli monena oitwa yopolitika .

Oshibofa osha tulilwemo momangu mo 2021,  konima eshi  Amupanda , ali akufwa ombelela yaye yoshikombo poshivelo,  oyo ali eikufwa kovanambelewa voumimistry wounamapya omanga ali molweendo ayuka ko Windhoek.

Oveta aayo yatuliwapo etopoko pokati koitopolwa aayo yaama koumbuwanhu noumbangalanhu woshilongo,  osho hashuufanwa  ‘’omufinda utilyana’’  ina ipitika ovanhu vapitife ombelela, omashini oshoyo oinamwenyo ina omwenyo okuya kombinga youmbuwanhu woshilongo.

Amupanda tapopi kutya omufinda utilyana ina utililwapo eendjikila doveta yasha  ndee owatungilwa komilandu doukoloni okutulilapo omangabeko ovahu ovo veli konooli yoshilongo okuya ko umbuwanhu woshilongo.

Omunaveta elilepo ouminsity momangu Heathcote,  talombwele Amupanda kutya eenghendabala daye doikonga yopolitika ite dipondola okufindana oshibofa aasho atulamo momangu.

Menyamukulo mwaashi Amupanda tayelifile omunaveta kutya,  oshibofa aasho okwe shitulilemo nale mo 2021,  omanga ali ehefi omunapolitika temu yelifile kutya,  Namibia oshilongo osho shili kumwe temudimbulukifa nghene omufinda utilyana oo watulwapo wahepeka eenghalamwenyo dova Namibia ngaashi oku kanifilamo eemwneyo davo, oku ningilwa omahepeko oshoyo oku tula oshiwana momafindakano opamadilaadilo.

Amupanda okwa kupulashi yoo omalipopilo epangelo kutya ngenge omufinda utilyana owa kufwapo omuvalu wovanhu vefike po 33 271 otava kakanifa oilonga yavo,  teshi yelifa kutya elipopilo kalina oushili,  notali tale aashike mouwa woo handimwe ovo vahala oku limonena ouwa muvo vene.

Omu Advocate Mbushandje Ntinda,  oye akalelapo  Amupanda ngaashi shili elombwelo olo apewa komunaveta Kadhila Amoomo.