Ovanafalama momudingonoko waTsumeb noShivelo tava kunghililwa vakotokele eenghoshi odo damonika mo midingonoko davo

Ouminsity womidingonoko owa kunghilila ovanafalama komudingonoko wo Tsumeb no Shivelo va kale okamutwe vandu, eshi momidingonoko omo mwa didilikwa onghoshi molomakaya.

Momukanda oo wapitifilwa oikundaneki okudja komupopiliko wouminsitry Romeo Muyunda,  owati eenghoshi dili 2 oda didilikwa peenele da yooloka, omo onghoshi imwe yonghadi yadidilikwa pokati ko Tsumeb no Shivelo.

Muyunda tadenge omufindo kutya onghoshi yo nghadi oya didilikwa oku pitila moka video oko taka adjakanekwa oku pitila koikundaneki yomalungula.

Okwati onghoshi ikwao yoo oya didilikwa popepi nomudingono wOromowa,  mouninginino wengaba doshikunino shoinamwenyo shopashiwana  shEtosha notaku feekelwa yelivakamo okudja moshikunino.

Muyunda tayelifile oshiwana kutya,  ovanambelewa vouminsitry oveli molukungo oku tala opo tapu hangwa eenghoshi odo nokwa pula oshiwana shikale sha kotoka noku tonatela yoo oinamwenyo yasho.

Okwati fiyo opapa ouministry ina uyakula olopota yasha inasha no inamwenyo yalikapo,  enyanauno ile eponokelo lasha laningilwa ovanhu okudja meenele da didilikwa oifitukuti.