Embo lo lweendo nghalamwenyo ya Dr. Hage Geingob, latulwa moilonga

Omu President Nangolo Mbumba onghela okwa yeulula pambelewa etulo moilonga lembo olo tali tongomona olweendo nghalamwenyo yomupresident woshilongo akanangala Dr. Hage Geingob.

Embo olo tali ufanwa nedina ‘’Whispers of Freedom’’ ota lihangwa omapandja efike pe 132 nola shangwa kwao eli omunambelewa omukulunhu mouminisitry womauyelele no makwatafano outechnology Dr. Audrin Mathe.

Dr. Mathe talombwele oikundaneki kutya,  embo  Whispers of Freedom ota liyandje ehokololo lolweendo longhalamwenyo oshoyo odjokonona yopolitika yo  Dr. Geingob.

Omuwiliki weumbo lomutumba wopashiwana , Professor Peter Katjavivi, oo naye ali poshiindingili okwatwa omukumo ovaNamibia vashange omishangwa aado tadi yandje ondjokonona yoshilongo novanhu vasho, opo ku nghonopalekwe omauyelele meengulu mambo moshilongo ashishe.

Oshiindingili oshali yoo shakufwa ombinga kwao ali nale omunyekadi woshilongo Monica Geingos, oludalo lanakufya   Dr. Geingob, ovanambelewa va yooloka vepangelo, oshoyo oo handimwe okudja moshiwana.