KK Palace a pewa N$ 50 000

Omupeha mayola gondoolopa ya Ondangwa Ester Auala, okwa indile aanangeshefa, oohandimwe niikondo ya yooloka yi kwathe noku yambidhidha omaudhano.

Auala okwa thamuna ndhoka pethimbo elelo lyondoolopa tali gandja omakwatho goshimaliwa shoo N$ 50 000 kosipana yetanga lyokoompadhi yo KK Palace Etine.

Tati oosipana dhomaudhano odha pumbwa oku yambidhidhwa painiwe, opo dhi hume nawa komeho.

Okwa tsikile oku tumbaleka osipana ndjoka sho tayi shi enditha nawa moliha nokwa pula aadhani naakwatelikomeho ya tsikile nuupenda.

Ta popi peha lyospana ndjoka Fire Vatilifa okwati oya pandula kwaashoka ya ningilwa kelelo, noshimaliwa shoka otashi eta elunduluko enene.