Aa Cuba taya lili omukokoli presitend Sam Nujoma

Epangelo lya Cuba olyiigidha ethimbo lyopambelewa nolyopashigwana lyoosa,sha landula eso lyomukokoli presitend gwa Namibia Sam Nujoma.
Omushangwa okuza kepandja lyo twitter lyepangelo lya Cuba,olyati ethimbo lyoosa dhopashigwana olya tameke potundi onti 06h00 yongula yonena,taliyi sigo uusiku womasiku 11 February.
Ethimbo lyoosa dhopashigwana otali ka landulako wo,taliyi sigo 12 February.
Pethimbo ndika epandela lya Cuba otali ka tsilikwa etata komatungo agehe gopambelewa nokiiputudhilo yopakwiita ,onga edhidhiliko lyesimaneko.
Omanga omatyapulo ahege goshigwana niinyangadhalwa yomainyanyudho tayi kuthwamo pethimbo lyoosa dhopashigwana.
Nepangelo lya Cuba naantu yalyo olya gandja omahekeleko kaa Namibia pethimbo ndika lyeso lyomukokoli presitend.