ErongoRed tayi ka andjaganeka olusheno komagumbo ga thika 1 838,oku simaneka omukokoli presitend

Ehangano lyo ErongoRed olyiitulamo oku gandja olusheno komagumbo 1 838 moshitopolwa uule woomwedhi 4 dhili komeho moonkambadhala dhoku kwashilipaleka kutya kehe gumwe okuna olusheno.
Osheetwapo ,shina ongushu yoodola oomilion 66.8 otashi kuthwa oku simaneka omukokoli presitend Dr Sam Nujoma,notashi ka gandja olusheno mo Swakopmund,Ombaye,Usakos,Karibib,na Henties Bay.
Omukuluntu wiliki gwehangano Immanuel !Hanabeb okwati olusheno kalushi ashike oshipumbiwa shopatameko,ashike ohalu vulitha ehumokomeho,elongo,neyambulepo lyopaliko.
Opololeka otayi lalakanene wo oku yambidhidha aanangeshefa aashona noyopokati ,paku kwashilipaleka kutya oyena olusheno lushi okwiinekelwa komahala goongeshefa.
Mayor gwa Swakopmund Blasius Goraseb okwa endulula eitulemo lya Muni oku yambidhidha oonkambadhala dho Erongored dhoku andjaganeka olusheno,noku holola uukumwe wuulethimbo pokati kiiputudhilo yopaali.