Ya konda 500 okwa tegelelwa ya kanithe iilonga komina ya Kombat

Ehangano lyo Mineworkers Union of Namibia nomina ya Kombata otaya ka inika komilungu shinasha nkene ekuthomiilonga lyaanilonga 533 tali ka ningwa.
etokolo olya landula elalakano lyawo lyotango okuya komeho noku kutha miilonga aanilonga 533 inaaya kwatelamo ehangano lyaanilonga onga omukalelipo gwaanilonga ya gumwa.
Amushanga ndjayi gwehangano lyaanilonga George Ampweya okwa lombwele o NewsOne kutya oonkundathana dhika otadhi ka tala kiinima ya simana ngaashi uu package,oku konakonwa paundjolowele omanga inaaya lalekwa miilonga,uuwanawa woku tembuka,nosho tuu.
Ampweya tati iinima mboka oya simana moshikumungu shili pauyuki,na kashali tashi vulika ngele ewiliko lyomina olya yile komeho inaali kwatelamo ehangano lyaanilonga moonkundathana.
Ehangano tali gandjja omayele kiilyo ayihe naanilonga ya gumwa ya kale ya ngungumana noku gandja eyambidhidho kehangano pethimbo lyoonkundathana.