Okapuka ko Army worm oka lopotwa ka tukuka momikunda dhimwe moshitopolwa Oshikoto

Kamusela gwa Onyaanya Gideon Shikomba okwa lombwele o nampa nena kutya etukuko,lya lopotwa tango mu 7 omwedhi nguka,olya guma omukunda Onyaanya A,Oshikulu nOmbudu.
Shikomba tati okapuka oka tsikile oku yonagula iimeno oshiwike shika.
Moonkundathana dha yooloka no Nampa,kamusela gwa Omuntele Sacky Nangula okwa koleke wo kutya oya yakula oolopota dhomikunda heyali dha gumwa kokapuka.
Omikunda odha kwatelamo Omutemo,Oshitothi,Onamago,Okaluwa,Onyoka,nOnamutenya.
Nangula ta tumbaleke uuministeli wuunamapya oku katuka onkatu meendelelo.