Apewa ehandukilo lodolongo lomido 15, moshibofa shekwato keenghono

Omulumenhu womido dili 42 oo atongololwa nedina kutya oye  Ignatius Jossop,   metitano okwa pewa ehandukilo lodolongo lomido dili 15, molwaasho amonika odjo yoku kwata keenghono ina mumwaina waina.

Oshiningwanima ota kulopotwa sha holokele mo 15 May 2019 shali sha ningilwa ko Farm Klein Wortel,  taihangwa mo mudingonoko wa Karasburg.

Pefimbo tayandje ehandukilo magistrate wa Karasburg Mwilima Tembwe,  okwati oshibofa shekwato keenghono oshili omunyonena wakula, novalongi vominyonena doikoya yoludi oolo ovapumbwa oku kufwamo moshiwana osho tati ota shiningwa nonande etokolo lehandukilo laye olina okweenda pamulandu woveta.

Okwati ekwato keenghono olili haleetele oo nakuningwa oihakanwa oupyakadi wopamadilaadilo meenghalamwenyo davo.

Magistrate tahokolola nghene eemangu dili da taalela omandubalalo oibofa yomakwato keenghono yaningilwa ovakainhu no unona,  osho tati ota shipumbwa eemangu diduleko eenghaku mokuyandja omahandukilo adivilika kovalongi vominyonena.

Epangelo moshinima okwali la kalelwapo komunaveta Esther Jafet,  omanga omanaveta wepangelo , Verinao Kamahene oye ali akalelapo omutamanekwa.