Eerebel do M23 da kwatako oshilando Bukavu, DRC

Epangelo la Democratic Republic of the Congo (DRC)  onghela ola yemba neenghono ongudu yee rebel do March 23 Movement (M23) odo taku lopotwa da kwatako etonatelo loshilando sha Bukavu, oshilando shakula tashi hangwa moshitopolwa sha South Kivu.

Momukanda oo watuminwa oikundaneki okudja kepangelo la DRC,  owati epangelo olili tali tale  noukeka onghalo moshilando  Bukavu, osho tashihangwa moshitopolwa sha South Kivu omo ee M23 rebels taku lopotwa deyamo olomakaya ongula.

Epangelo tali popi kutya ita lipopile ekwateko loshilando Bukavu na  Goma,  oshoyo eenele dikwao odo da kwatwako mo  North Kivu no South Kivu,  ashike nande ongaho ina liyelifa ngenge olina tuu vali eenghono moilando ya kwatwako kee rebels.

Shelikwatelela keedjo dishi okulineekelwa moilando omo odati , ee rebels oda kufako etonatelo leenele odo dafimana moshilando olomakaya ongula omo mwa kwatelwa onele yolukalwa aapo hapadi ngoloneya woshitopolwa.

Nande ongaho epangelo olesheendulula tali twikile noku tulapo eladulafano leameno meenele dili moupyakadi.