Etuntilo lyoongombe omolwa etukuko lyombulwa otali tsikile

Uuministeli wuunamapya,omeya nomatulululo gomavi okupitila moshikondo shuuhaku wiimuna owati owa tuntila oongombe dha konda 29 000 oku kondolola omukithi gombulwa ngoka gwiiteyela moshilongo.
Okuza sho oshipotha shotango sha lopotwa moshikandjo hogololo Okakarara mu June 2024,omukithi ngaashingeyi ogwiihanena kiitopolwa ngaashi Omaheke,iitopolwa iyali ya Kavango,Zambezi,Ohangwena,Oshana,Oshikoto na Kunene.
Oongombe dhili 443 odha sa,niipotha 1 564 oya lopotwa.
Omupopiliko guuministeli Simon Nghipandulwa okwati omukithi gombulwa oguli omukwawu,hagu taandelithwa koku lika ngaashi koongupa nomalolo.
Einyengo lyoongombe dha tuntilwa otali pitikwa okuza mo 13 March,omanga etumino pondje tali pitikwa konima yomasiku 21 ngele dha tuntilwa.