Kizza Besigye a falwa koshipangelo ohela

Omunapolitika gompilameno mo Uganda Kizza Besigye ngoka a tameke okwiiteka iikulya oshiwike sha piti okwa falwa koshipangelo,sho uundjolowele we wa nayipala.
Onzonkundana yo Reuters oya lopota kutya Besigye kwali kuume komupresitend Yoweri Museveni okwa kala eedhililwa moshilandopangelo okuza mu November.
Oohahende ye oyati okwa kwatwapo ombabyona poshiindalongo Kenya noku tuminwa ko Uganda pathiminiko,moka a tamanekelwa mompangu yopakwiita yo General Court Martial omolwa iipotha ya yooloka,mwa kwatelwa oku kala niilwitho.
Noohahende ye oyati okwa falwa ko clinic ohela,kwali nokuli tuundulwa kokatemba.
Omanga aapambele ya lombwele wo iikundaneki kutya Besigye keli monkalo ombwaanawa.
Ominister yomauyelele ohela oyati epangelo otali endeleleke okutumina oshipotha she kompangu yoshigwana,noku hulithapo etamaneko lye mompangu yopakwiita.
Aakwashigwana oyiindiile opo a mangululwe,sho a holoka mohofa metitano,nota monika a nkundipala.