Okamatyona komimvo 17 ka kwata onkonga okamati komimvo 9 nokakadhona komimvo 12 kOhangwena

Opolisi moshitopolwa Ohangwena oya koleke emangepo lyokamati komimvo 17 omolwa ekwatonkonga nehepeko lyokanona okamati komimvo 9 nokakadhona komimvo 12 komukunda Ohainengena.

Omukwatakanithi gwekondololo lyiimbuluma moshitopolwa Ohangwena Dep Comm Melanie Mbuuru,okwati oshiningwanima osha holoka pokati ketiyali netitatu pethimbo inaali tseyika,nosha lopotelwa ashike opolisi omandaaha.

Mbuuru tati omufekelwa okwa hokololwa a kutha okamati komimvo 9 pegumbo lyopuushiinda noku ka fala kaandjawo ,teka manga,teka dhenge,noku ka kwata onkonga.

Ta dhenge wo okakadhona komimvo 12,ta manga omaako gako nongodhdi,teka fala kaandjawo,noku ka kwata onkonga.

Omufekelwa ngoka a mangwapo,okuli mushiinda kiihakanwa,nota holoka mohofa ya Eenhana ongula.

Omakonakono gopolisi otaga tsikile.