Yeli 48 ya hulitha sho omina ya mbonyoka mo Mali

Aantu oyendji mwa kwatelwa aakiintu oya hulitha sho omina yoshingoli yaali paveta ya mbonyoka muutokelo wa Mali molyomakaya.

O Africa news oya lopota kutya iihakanwa oya londo okuya moshilambo shomina ndjoka ya thigwa yeeguluka kaalongimina yopaveta,nelalakano yiitse mo oshingoli.

Nomalelo ogati aantu oyendji otashi vulika yeehamekwa,nondjele yomaso otashi vulika yi londe.

Mali okuli ha nduluka oshingoli oshindji muuyuni,ashike iinyangadhalwa oyindji yoomina ihayi kondololwa.