Namibia oteshi enditha nawa moku kondjitha okwaaha longa nuuyuki-ACC

Omukuluntu gokomisi yoku kondjitha okwaahalonga nuuyuki Paulus Noa okwati oshilongo inashi taalela we oondjele dhili pombanda dhokwaahalonga nuuyuki.
Shika osha landula sho Namibia a kalekepo onkatu ye noshitsa she mo Transparency International Corruption Perceptions Index yongaashingeyi.
Namibia okwa mono iitsa 49 yomiitsa 100,eli ponomola onti 59th mokati kiilongo 180.
Noa tati Namibia okuli pevi shi vulithe iilongo mbyoka yina omaliko omanene ngele tashiya koshimetitho shokwaahalonga nuuyuki,ta gwedhako kutya nonando okwaahalonga nuuyuki opo kuli natango,okuna sha ashike nokwaaha kwata nawa oonzo.
Omukuluntu wiliki go IPPR Graham Hopwood okwati oku kondjitha okwaahalonga nuuyuki onkee taku ende kashona,ashike Namibia ita shuna monima.
Tati oshilongo oshina ooveta oombwanawa,nonando dhimwe inadhi tulwa miilonga .
Ta gwedhako kutya okuna omukumo kutya epangelo epe otali ka etelela oonkondo oompe, oku kondjitha okwaahalonga nuuyuki neitulemo.