Thabo Mbeki aulika elineekelo movawiliki vape vo commissi yo AU

Oo ali nale omuPresident wa S.A Thabo Mbeki, okwa halela omolo iwa omuwiliki mupe ahoololwa onga  omunashipundi wo commissi yo ilyolongo yongonga hangano ya Africa (AU) Mahmoud Ali Youssouf, opamwe no mupedu nashipundi waye omu Ambassador Selma Haddadi.

Mbeki metumwalaka laye lomahalelo mawa olo apitifila oikundaneki, okwati okuna elineekelo opo ewiliko lipe lahoololwa lika potokonone omashongo ataalela enenedu.

Otakulopotwa Youssouf, oye elineekelelwa oshinakuwanifwa shounashipundi wo Commissi pefimbo oshilongo DRC shili moupyakadi wo makuyunguto nopefimbo yoo leingido tali pula kukale kwa yeekwa oilwifo, kombinga yonghalo yo shilongo Sudan sha taalela oita yo pashiwana noshoyo eengudu doukulo odo tadi hepeke oshitopolwa sha Sahel.

Mbeki okwa ulika yoo elineekelo opo ewiliko lipe lika kwatele komesho eenghendabala doku longela moukumwe umwe no kweeta omayambulepo menenedu.

Okwati omakuyungutu ayooloka oo ataalela oilyolongo menenedu okwa pumbwa ekwafo lo meendelelo netulo moilonga loitokolifo oyo ta ikwashilipaleke kutya omayambulepo a Africa otaa pula komesho.

Omupresident kwali nale wa S.A tati omunashipundi wo AU Youssof,  opamwe no mupedu waye nava yandje efano layela lomatokolo ewiliko oku kwashilipaleka yoo kutya opatulwa  moilonga omiladu domondjila odo tadi kala mouwa wova Africa aveshe.

Mbeki  okwati ota tale yoo keenghendabala doku longela kumwe no vawiliki vo AU, oshoyo ovo veli moukumwe oku xwaxwameka onghalo nawa neyokomesho loshiwana sha Africa.