Omulumenhu womido 32 ta tamanekelwa edipao lomunamido 40 ina pewa omito yokulifutilamo

Omulumenhu womido dili 32 oo ta tamanekelwa okutwa nombele fiyo omefyo omulumenhu womido 40 osho shaningwa oshondaxa,  pefimbo aholoka komesho yomangu yamagistrate wa  Keetmanshoop ina pewa omito yoku lifutilamo.

Omutamanekwa oo atongololwa nedina kutya oye Alex Vincent Jossob, omandaxa okwa holoka komesho ya Magistrate Unchen Konjore,  oo aundulila oshibofa shaye komafiku  08 May 2025, opo shiyandje natango omito yo makonaakono yee omutamanekwa naye amone yoo omito yoku likongela omupopiliko waye wo paveta.

Jossob pefimbo lomangu okwa ulika kutya ote kelikongela omunaveta wopaumwe oo temukalelepo moshibofa.

Omukalelipo wopaveta oo elilepo epangelo moshibofa Godfrey Shivolo, okwaanya filu opo omutamanekwa apewe omito yo kulifutilamo eshi atala kutya oshibofa shaye osha divilika notadulu okufadukapo ngenge okwa pewa omito yoku lifutilamo.