Opolisi tayi konakona edhipago lyaantu nelalakano lyoku kuthako iilyolutu yawo ,moshitopolwa Zambezi

Opolisi moshitoolwa Zambezi oya tamekitha omakonakono gomeendelelo nogopamuhanga momadhipago taga odheke aanona naamboka itaaya vulu oku ipopila,omolwa iilyo yawo yolutu,niilyo yomeni lyolutu.
iilyo lutu okwiitaalwa hayi landithwa yi longithwe miinima ya nika uumpulile nuunganga.
Omakonakono ogeetithwa koka video ko social media ka topolwa omandaaha,taka ulike omulumentu a tulwa miiketanga ,ta pulwa pulwa kaanambelewa yopolisi moshi Silozi,notaku fekelwa yaza mopolisi ya Zambia.
Moka video,omufekelwa okwa zimine a longela kumwe nomukalimo gomo Zambezi oku kwatapo omba,byona okanona,teka dhipaga,noku teta omudhimba gwako.
Tati omutima gokanona niilyo yopaumwene oya tulwa me cooler box.
Omufekelwa ta tumbula wo omukunda mo Zambezi,naamboka a longa nayo.
Tati wo omudhimba gokanona ogwa fikwapo,sho iilyo ya kuthwako,nokwa futwa oodola 5 000.
Komanda gosasiyona yopolisi ya Katima Mulilo Chief inspector Charles Mayumbelo okwa koleke omakonakono gopamuhanga pokati kopolisi yoshilongo,noya Zambia,ashike inaya muule,omolwa uunene woshipotha.