Yamwe moshitopolwa Oshikoto itaya mono olwishi

Ombelewa yomu pilima oya koleke kutya aanamagumbo 1 485 okuza maanamagumbo 28 485 moshitopolwa Oshikoto mboka haa mono oshikukuta,itaya mono oshako yoo kg 50 yolwishi molwaashoka oshitopolwa osha yakula ashike ooshako 27 200.
Ombaapila okuza komunambelewa kuluntu mombelewa yomu pilima,Iben Nashandi yuukithwa komunambelewa kuluntu melelo lyoshitopolwa Oshikoto Christella Mwenyo mo 29 Jan,okwati olwiishi olwa pewa epangelo kepangelo lya China ,oku yambidhidha oonkambadhala dhepangelo oku yamukula konkalo yoshikukuta moshilongo.
Tati ombelewa yomupilima otayi tsikile okugandja oshikukuta shoshito kaanamagumbo ya hupako kolwishi yeli 1 485.
Oshikandjo hogololo shotango sha mono olwishi osha Oniipa,niikandjohogololo yilwe otayi landulako ngele oshikandjo hogoloolo sha Oniipa sha mana oku topola olwishi ndoka.