Aaleli yiilongo yo Arab oyeli ompinge nethaneko lya Trump oku kondolola Palestine

Aaleli ya Arab otaaka ngundumana mo Saudi Arabia ongula, oku ikunda noku tinda ompangela yomupresitend Donald Trump opo America a kondolole Gaza,noku tidhamo aakalimo yamo,shiikwatelela koonzo dhopaunadiplomate nodhepangelo.
Ompangela oyeetitha uukumwe miilongo yo Arab,mbyoka ya tinda ethaneko ,ashike otayi vulu natango oku tinda ku ngoka taka pangela oshikandjo Palestine ,naangoka taka futa opo shi tungululwe.
Umer Karim,omunongo gomilandu dhiikwapondje mo Saudi Arabia okwa lombwele onzonkundana yo AFP kutya omutumba otagu kala gwa simana moomvula odhindji oku shi taleela kaa Arab ,noshipambele sha Palestine.
Trump okwa tukulutha uuhindadhi sho a tseyitha kutya America otaka kuthako oshikandjo Gaza,noku fala aa Gaza oomilion 2.4 mboka yeli mo Gaza koshishiindalondo Egypt na Jordan.
Onzo yili ontega nepangelo lya Saudi Arabia oya lombwele onzonkundana yo AFP kutya aaleli ya Arab otaaka ikunda oompangela dhoku tungulula oshikandjo,noku tinda oompangela dha Trump dhoshikandjo.