Oshivilo dimbuluko shomukokoli kEtunda onena

Olutu lo mukokoli no kwali omupresident wotete wa Namibia Sam Nujoma,  nena ota litutumbwa noku twalwa komukunda oko ayambukile kEtunda moshitopolwa sha Musati,  oku hovela noshivilo dimbuluko shaxuuninwa ngaashi shili pamafaneko oo atulwapo kepangelo.

Edi oda shiivifwa kwao eli ominister yomauyelele no makwatafano opautechnology Emma Theofelus, pefimbo tayandje ouyelele womondjila koikundaneki metivali osho eshiningila pendiki lomauyelele epangelo mo  Windhoek.

Okwati olutu lomukokoli nena mo 20 February 2025 po 06h00  otali tu tumbwamo mo Windhoek, ngaashi shili ewiliko la kwatelwa komesho komutwe woshilongo Nangolo Mbumba.

Omanga ina lidjamo mo Windhoek, olutu otalika twalwa koshuumbo shomukokoli oko taku kaningwa eilikano noku pitika ovapambele vatale koshipala nopo 10h00 ota lika tulwa modila okudja pokapale komatukodila kopaiwana ka Hosea Kutako okuya ko kapale komatukodila ka  Andimba Toivo ya Toivo, taka hangwa mo Ndangwa moshitopolwa sha Shana ta shiningwa pamwe no mupresident Mbumba, oshoyo oo ali nale omupresident woshilongo Hifikepunye Pohamba.

Olopota oya ulika kutya olutu lomukokoli shima lafiki pokapale mo Ndangwa lwopo 12h00, ota lika kufwapo mekwatelo komesho loyeendifo yetanga leameno noku pitila mondjila ya Omahala, Ongwediva, Oshakati oshoyo kOnandjokwe  omanga ina likafika komukunda Etunda oko taku kaningilwa oshivilo dimbuluko.