Ehulithepo lyomakwatho ga America olya guma iilongo oyindji ya Africa

Sha landula sho America a zimo mehangano lyuundjolowele muuyuni,noku kaleka omakwatho ga America,ayihe mbyoka yili etokolo tali ka guma uundjolowele waantu oomilion mu Africa,otwa popi nominista yuuhaku DR Kalumbi Shangula kutya shika otashi ka guma ngiini Namibia.
Minister tati shika osha guma iilongo oyindji,noku hulithapo omakwatho mo Namibia osha guma etulomiilonga lyoopolohalama dhiimanga keyamukulo lyopashigwana lyo HIV,ndyoka lili oku keelela etandeelo lyombuto okuza kuyina iihumbata okuya kohanana inaayi valwa,unene oku pitila moku ndjekapo enongelo,ekenko lyaalumentu nosho tuu.
Tati mbyoka oyo unene iinyangadhalwa keelelo,nayimwe otayi ningwa kookume komayambulepo nomahangano gaashi gopapangelo.
Ashike okwati inashi guma epango lyaantu yena o HIV.
Lopokati mpoka,China na Korea oya tuma oodola dha America 4 ko Africa Centres for Disease Control and Prevention oku kwathela oku thitika oomwaka dhomakwatho guuhaku ga thigwapo, sho omupresitend Donald Trump a kuthapo omakwatho ogendji,shiikwatelela kolutu halu gandja omayele guuhaku moshitopolwa.
Africa oha yakula oo % dhili 84 dhomakwatho guuhaku okuza pondje yenenevi,mwa kwatelwa oodola dha America oomilion 500 dhoka America uuvaneka okupa o Africa CDC.