Omuwiliki wongudu yomilameno mo Uganda atuminwa natango kodolongo

Omuwiliki wongudu yomilameno yo papolitika mo Uganda Dr Kiiza Besigye opamwe no muyambididi waye  Obeid Lutale, ova tuminwa natango kodolongo ya Luzira Maximum shalandula keindilo lepwilikino lavo ina litambulwako okudja momangu yopombada.

Omangu yetanga lopakwaita moshilongo osho onghee taitwikile noku kwatela komesho oshibofa no nande omangu yo pombada mbada ya yandja  elombwelo kutya epwilikino loibofa yo vakwashiwana momangu yopakwaita kashili pamango.

Ovanaveta va Besigye ova tulamo eindilo momangu yopombada mbada tava pula vahala okuyelifilwa nawa okudja ku hahende ndjayi woshilongo oshoyo komalelo eedolongo kutya, omolwashike omuyakulwa wavo atulwa moipandeko fiyo onena.

Ota kulopotwa ali atwalwa komangu oyo taihangwa mo Kampala eli koshi yetonatelo lovanambelewa vahomata voshilongo.

Omangu yo pombada ota kulopotwa yaanya oku twikila noshibofa shaye taipopi kutya onghalo yaye youdjolowele oyanyika outalala,  taulike ehena eenghono nokwa nghundipala.

Omuwiliki wongudu yomilameno mo Uganda ota kulopotwa akala eliteeka oikulya oule woshivike paife atulamo ekangha kutya oku mangwapo kwaye kakuli pamango.

Oshivike eeshi ota kulopotwa ali atutumbilwa koshipangelo ko Dr Kiiza Besigye konima eshi ovapambele vaye vapula opo akamone o doctor yaye yo paumwene.

Ovanaveta va Besgye, ota vapopi kutya okumangwapo kwaye kakuli pamango omanga epangelo tali yambidida elombwelo lomangu yashiyako kutya ina liyandja epitiliko opo amangululwe.

Omangu yopombada oya undulila epwilikino loshibofa shaye komafiku  25th February 2025, opo ika pwilikine kombinga yeindilo olo latulwamo  tali pula opo akale amangululwa, molwaasho onghalo yaye yokolele ita ishipitike.