Ovanhu va xulifila momeva pefimbo va hangwa tava fadukapo omalwoodi mo DRC

Okambautu kali ka humbata ovakwashiwana tava fadukapo onghalo yoita moushilo wa DRC okwa lopotwa kaningina koshi yomeva tamuxulifile ovanhu veli 22.

Eelopota doikundaneki odati okambautu pefimbo kaningina,  oka hangwa keli molweendo lo momeva okudja komudingonoko wa  Vitshumbi, tauhangwa moumbuwanhu wetale la Edward kayuka ombululu   ya Virunga National Park  kombinga yo umbangalanhu wetale pefimbo kaningina efimbo lokwatoka metitatu.

Delphin Malekani, eli omupresident wehangano loshiwana momukunda Kyavinonge, okwati vahapu ovo vaningwa oihakanwa ovahangwa tavayi onapo onghalo yoita ikwetelwe komesho kee rebels do M23 odo tadi tuwa epepe koshilongo Rwanda.

Nande ongaho omalelo inaa yelifa kutya oshike sha etififa okambautu kaningine no vanhu veli 8 ovaxupifwa okudja moshiningwanima.

Eerebel do M23 odili dimwe do meengudu da homata didulife 100 moushilo wa Congo odo tadi kongo eenghendabala doku kwatako omudingonoko wouyamba weemina.

Shelikwatelela kolopota yo vashiivinawa vehangano loiwana yahangana (UN) ovati ee rebels  do M23, ota tadi yambididwa komatanga ovakwaita afika lunga po 4,000 okudja poushiindalongo  Rwanda.

Oshivike eeshi ee rebels oda kwatako natango oshilando  Bukavu, osho tashihangwa popepi na  Burundi,   tashi hangwa moshitopolwa shina ouyamba woshingoli no coltan, oilongomwa oyo yatalika shikwetepo moku longifwa moikweetapo oikwamalusheno ngaashi ee   laptops  neengodi dee smartphones.