A mangwapo sho aadhika noshitenda shafa ondjembo yo AK-47 kokapale koodhila ka Andimba Toivo Ya Toivo

Opolisi yoshilongo moshitopolwa Oshana oya mangapo omulumentu gomimvo 34 ,sho a yelula oshinima shafa ondjembo yo AK-47 pethimbo olutu lomukokoli presitend Sam Nujoma talu thiki kokapale koodhila ka Andimba Toivo Ya Toivo metine.

Omukwatakanithi gwekondololo lyiimbuluma moshitopokwa ,Dep Comm Frederick Ndjadila okwati omufekelwa okwa mangelwa mondjila yo C48, olwaamba nokapale ka Andimba Toivo Ya Toivo.

Okwa hokololwa kutya omufekelwa okwali mengathithi lyaalilisa,ta yelula oshitenda shafa ondjembo yo AK47,uuka kosheendo sha humbata omudhimba.

Opolisi tayi kwatako oshilwitho shoka.

Ashike opolisi oyaka dhimbulula kutya oshitenda shoka osha fikilwa ,nosha fa ondjembo yo AK-47.

Nokwa taalela oshipotha shoku nduluka oshilwitho inaashi pitikwa,noku kala noshilwitho keehena o licence.

Nokwa tegelelwa a holoke mompangu oshiwike shika,nomakonakono gopolisi otaga tsikile.