Omulumenhu adipawa koluvadi koshitopolwa sha Kavango west

Omulumenhu womido dili 33 eli omutakamifi weengobe okwa lopotwa akwatwa noku dipawa ko kashelu komukunda Kamuti,  tauhangwa moshitopolwa sha Kavango West.

Olopota oyati nakufya okwa tongololwa nedina kutya oye Moyo Yishime,  oo axulifa metitano.

Chief Inspector Raimbert Muronga,  wopolifi ya Namibia okwa koleka oshiningwanima ko ikundaneki tati oshiponga osha holoka pokati ko 15h00 no 17h00  momukunda Kamuti, tauhangwa moshikandjo hoololo sha  Ncamagoro  moshitopolwa sha Kavango West.

Olopota oyati olutu la nakufya ole lituwa komukwashiwana olomakaya lwopo 16h45, lunga ee 500 metres moixwa okudja peumbo lavo.

Muronga tapopi kutya ouyelele ukwao,  owa ulika yoo kutya olutu la nakufya olelituwa yoo pamwe neengobe dili 3 nado dafya odo taku feekelwa kutya nado odina oku kala da kwatwa ko kashelu.

Muronga okwati olutu lanakufya ola tu tumbilwa konautalala yo shipangelo sha   Rundu oku kaningilwa omakonaakono.

Ovapambele vanakufya ova shiivifilwa no makonaakono opolifi moshinima otaa pula komesho.