Oshitopolwa sha Otjozondjupa oshati osha pyakudukwa oku kwatela komesho oshivilo dimbuluko sho mukokoli nena

Ngoloneya wo shitopolwa sha Otjozondjupa okwati oshitopolwa osha pyakudukwa ee 90% oku kwatela komesho oshivilo dimbuluko sho mukokoli  President Sam Nujoma.

Oshivilo dimbuluko shomukokoli nena ota shiningilwa mo mudingonoko wo doropa ya Grootfontein  moshitopolwa sha Otjozonjupa.

Governor James Uerikua  talombwele oikundaneki kutya,  konyala omalipyakidilo aeshe okwa pwa nova teelela ovalilanghali vakonda po 4,600 vaka kale poshivilo dimbuluko oku kwashilipaleka kutya oshiwana moshitopolwa aamo nasho osha yandja efimaneko lasho la xuuninwa komukokoli akanangala.

Okwati oshitopolwa oshili momalongekido moukumwe noshitopolwa sha Omaheke oshoyo Oshikoto.

Ngoloneya takwashilipaleke nghene patulwa natango omalongekido eameno okudja kovanambelwa vena oshinakuwanifwa shoku kalekapo eameno loshilongo,  pefimbo loshivilo dimbuluko tashi ka kala shili metifa.

Ngoloneya okwe shiyelifa yoo noku sheendulula kutya,  eenduda domanwino nee ndingosho ita dikapitikwa oku patuluka nena no valandifi vomomapandavanda ota vakumaidwa vadulike oku kalekapo elandulafano pefimbo tava yandje omayakulo aavo kovalandi.