Aaleli yiilongo ya konda pomulongo okwa tegelelwa yeye koshituthi dhimbuluko nokefumbiko lyomukokoli presitend

Omupopiliko gwepangelo Emma Teofelus okwati aayenda ya konda 10 okuza kiilongo ya yooloka ngaaashi Mozambique,Angola,South Africa,Finland,Tanzania ,Cuba , Zimbabwe, Ghana, Malawi, Tanzania, Finland,  na  Sahrawi Arab Democratic Republic okwa tegelelwa ya thike moshilongo koshituthi dhimbuluko nefumbiko lyomukokoli presitend .

Efumbiko otali ningwa olyomakaya ndika komawendo gomapendafule pondje yoshilandopangelo.

Minister tati wo ombila yomukokoli presitend ko Heroes Accre oya tothwamo nale,nomushangelo gombila otagu manithwa moonkundathana naakwanezimo.

Teofelus okwali ta popi nena pethimbo lyoku gandja uuyelele wefumbiko lyomukokoli presitend.

Ta gwedhako wo kutya omalongekidho giiyenditho okufala aakalimo yomoshilandopangelo kefumbiko otaga ningwa,nomahala mpoka taya ka pitulwa,otaga ka tseyithwa.